Президент Садыр Жапаровдун Жарандык авиация күнүнө карата куттуктоосу

    https://twitter.
Президент Садыр Жапаровдун Жарандык авиация күнүнө карата куттуктоосу
Yayın: 07 Ekim 2023 DÜNYA, EĞİTİM, EKONOMİ, GÜNDEM, KÜLTÜR SANAT, MAGAZİN, SAĞLIK, SİYASET, SPOR, TEKNOLOJİ Google News

 

 

 

 

 

Президент Садыр Жапаровдун Жарандык авиация күнүнө карата куттуктоосу

 

Кыргыз Республикасынын Президенти Садыр Жапаров бүгүн, 7-октябрда, өлкөнүн жарандык авиация кызматкерлерин кесиптик майрамы менен куттуктады.

 

 

Мамлекет башчысынын куттуктоосу:

«Урматтуу кыргыз авиация тармагынын кызматкерлери!

Бул тармактын ардактуу ардагерлери!

Кыргызстандын жарандык авиациясынын тарыхы 1933-жылы Кыргыз АССРинин Эл Комиссарлар Советинин токтому кабыл алынгандан тартып башталат. Мына ошол дээрлик бир кылымдын ичинде жарандык авиациябыз жүргүнчүлөр менен жүктөрдү ташууда коопсуз, ыкчам жеткирүүнүн негизги булагына айланды.

 

 

Эң алды сиздерди кесиптик майрамыңыздар жана жарандык авиациянын 90 жылдык мааракеси менен чын дилимден куттуктаймын!

Өлкөбүздө 1994-жылдан тартып 7-октябрь – Жарандык авиация күнү деп белгиленип келет.

Бүгүнкү күндө дүйнө тез өзгөрүп, ааламдашуу ыкчамдап жаткан мезгилде Кыргызстан үчүн аба транспорту стратегиялык мааниге ээ. Ошондуктан жарандык авиация тармагын өнүктүрүү мамлекеттик саясаттын башкы артыкчылыктарынын бири бойдон калат.

 

 

 

Мамлекет авиация комплексинин инфратүзүмүн жолго салууга, аймактар аралык транспорттук байланыштарды чыңдоого, жаңы, келечектүү авиамаршруттарды ачууга өзгөчө көңүл бурууда.

Өзүңүздөр көрүп жаткандай, өлкө аймагында аэропортторду куруу жана реконструкциялоо темпи жогорулап, алдыңкы технологиялар киргизилип, кызматтар чөйрөсү кеңейүүдө. Жарандык авиациянын кызматкерлеринин компетенттүүлүгүнө, тажрыйбасына, билимине дагы маани берилүүдө.

Азыркы учурда өлкөбүздүн авиация тармагын өнүктүрүүдө масштабдуу максаттарга жетүү үчүн бул тармактын кесипкөй кызматкерлеринин мол тажрыйбасына таянабыз. Ошону менен бирге мамлекеттик олуттуу колдоо чоң күч-дем болуп бермекчи.

 

 

 

 

Бүгүнкү күндөгү кесипкөй муун кыргыз авиациясын мындан да жогорку деңгээлге көтөрөт деп ишенем.

Урматтуу кыргыз авиация тармагынын кызматкерлери жана кадырлуу ардагерлери, мааракелик майрамыңыздар кут болсун. Аба транспортунун коопсуздугун, авиаташуу кызматынын жогорку деңгээлин камсыз кылып, өлкөнүн социалдык-экономикалык турмушуна кошуп келаткан салымыңыздар үчүн терең ыраазычылык билдирем. Сиздерге ар дайым шыктанууну, жаратмандыкты, жана өз кесибиңиздер менен сыймыктанууну каалайм.

 

 

Ишиңиздерди албан-албан ийгиликтер коштосун! Ата Мекендик авиацияны өнүктүрөбүз деген аруу тилегиңиздер ишке ашсын!

Кыргыз авиациясы өнүгүп-өсө берсин!

Ар дайым асманыбыз ачык болсун!».

Жаңылыктар
Жарлыктар
Буйруктар
Мыйзамдар
Документтер
Кайрылуулар
Сүрөт репортаждары
Куттуктоолор
Видео материалдар
Окуялардын жыйынтыгы
Сүйлөгөн сөздөрү

kaynak:https://president.kg/news/all/24644

 

 

 

 

Son Güncelleme: 07 Ekim 2023
Etiketler: , , , , , , , , , , , , , , , , , ,